நீங்கள் தேடியது "வெள்ள நிவாரண நிதி"

திருவனந்தபுரம்:

கேரளாவில் மழை வெள்ளம் ஏற்படுத்திய பாதிப்புகளில் இருந்து மீண்டு வர சீரமைப்பு பணிகள் நடந்து வருகிறது.

கேரளாவில் மழை சேதம் ரூ.20 ஆயிரம் கோடிக்கும் அதிகம் என்று கணக்கிடப்பட்டுள்ளது. இதற்கான நிதியை திரட்டும் பணியில் மாநில அரசு ஈடுபட்டுள்ளது. மாநில முதல்-மந்திரி வெள்ள நிவாரண நிதிக்கு பல்வேறு தரப்பினரும் நிதி உதவி வழங்கி வருகிறார்கள்.

இதுவரை ரூ.1000-ம் கோடிக்கும் மேல் நிவாரண நிதி திரண்டு உள்ளது. நேற்றும் நடிகைகள் குஷ்பு, சுஹாசினி, லிசி ஆகியோர் முதல்-மந்திரி பினராயி விஜயனை சந்தித்து ரூ.40 லட்சம் நிதி வழங்கினர்.

கேரளாவிற்கு பல்வேறு வெளிநாடுகளும் நிதி உதவி செய்ய முன் வந்தன. ஆனால் வெளிநாட்டு நிதி உதவியை ஏற்க மத்திய அரசு மறுத்து விட்டது. எனவே மாநில அரசு வெளிநாடுகளில் வாழும் மலையாளிகள் கேரள வெள்ள நிவாரணப் பணிக்கு தாராளமாக நிதி உதவி செய்ய வேண்டும் என்று வேண்டுகோள் விடுத்துள்ளது.

இதுபோல இந்தியாவின் பல்வேறு மாநிலங்களில் உள்ள மலையாளிகள் கூட்டமைப்புகளும் வெள்ள நிவாரண பணிக்கு உதவி செய்ய வேண்டும் என்று இக்கோரப்பட்டுள்ளது.

இதுபற்றி முதல்-மந்திரி பினராயி விஜயன் நிருபர்களிடம் கூறியதாவது:-

உலகின் பல்வேறு நாடுகளில் ஏராளமான மலையாளிகள் வசிக்கிறார்கள். அவர்கள் கேரள பேரிடருக்கு தாராளமாக உதவ வேண்டும். அவர்களிடம் உதவி பெற கேரள மந்திரிகள் வெளிநாடு செல்ல உள்ளனர்.

குறிப்பாக மலையாளிகள் அதிகம் வசிக்கும் வளைகுடா நாடுகள், ஐக்கிய அரபு நாடுகள், ஒமான், பக்ரைன், சவுதி அரேபியா, கத்தார், குவைத், சிங்கப்பூர், மலேசியா, ஆஸ்திரேலியா, நியூசிலாந்து, இங்கிலாந்து, ஜெர்மனி, அமெரிக்கா மற்றும் கனடா நாடுகளுக்கு மந்திரிகள் செல்கிறார்கள். இவர்களுடன் அதிகாரிகளும் செல்ல இருக்கிறார்கள். இதன் மூலம் கேரள மறுசீரமைப்பு பணிக்கு கூடுதல் நிதி திரட்ட முடியும் என்று நம்புகிறோம்.

இவ்வாறு அவர் கூறினார். #KeralaRain #KeralaFloods

புதுடெல்லி:

கேரள வெள்ள நிவாரண நிதிக்கு ஐக்கிய அரபு அமீரகம் ரூ.700 கோடி வழங்க இருப்பதாக அம்மாநில முதல்-மந்திரி பினராய் விஜயன் தெரிவித்து இருந்தார். அபுதாபி பட்டத்து இளவரசர் ஷேக் முகமது பின் ‌ஷயத் அல் நயான், பிரதமர் நரேந்திர மோடியுடன் டெலிபோனில் பேசியபோது, இத்தகவலை தெரிவித்தார் என்றார்.


இதுகுறித்து இந்தியாவுக்கான ஐக்கிய அரபு அமீரகத்தின் தூதர் அகமது அல்பன்னா கூறும்போது, ‘‘கேரளாவில் ஏற்பட்ட வெள்ளம் மற்றும் மறு சீரமைப்பு பணிக்கு தேவையான உதவிகள் குறித்து ஆலோசிக்கப்பட்டு வருகிறது. அதற்கான குறிப்பிட்ட அளவு நிதி குறித்து எந்த அறிவிப்பும் வெளியிடவில்லை. அதுகுறித்து இன்னும் இறுதி முடிவு எடுக்கப்படவில்லை’’ என்றார்.


அதை தொழில் அதிபர் யூசுப் அலி மறுத்துள்ளார். அவரது தகவல் துறை வெளியிட்டுள்ள அறிக்கையில் ‘‘இந்த விவகாரத்தில் அவரது பெயர் தேவையில்லாமல் பயன்படுத்தப்பட்டுள்ளது. அதற்காக இந்த செய்தியை வெளியிட்ட ஊடகங்கள் மீது சட்டப்பூர்வ நடவடிக்கை (வழக்கு) தொடரப்படும். யூசுப் அலியின் ‘லூலூ’ குருப் ஏற்கனவே முதல்-மந்திரி நிவாரண நிதிக்கு ரூ.5 கோடி வழங்கியுள்ளது’ என தெரிவிக்கப்பட்டுள்ளது. #Kerala #KeralaFloods #KeralaFloodRelief #UAE

திருவனந்தபுரம்:

கேரள மாநில மந்திரிசபை கூட்டம், முதல்-மந்திரி பினராயி விஜயன் தலைமையில் நேற்று நடைபெற்றது. அதில், வெள்ள நிவாரண பணிகளுக்கு தேவைப்படும் நிதியை திரட்டுவதற்காக, ஜி.எஸ்.டி. (சரக்கு, சேவை வரி) மீது 10 சதவீத கூடுதல் வரி (செஸ்) விதிப்பது என்று முடிவு செய்யப்பட்டது. இதற்கு ஜி.எஸ்.டி. கவுன்சில் அனுமதி அளிக்க வேண்டும் என்று கேட்டுக்கொள்ளப்பட்டது. அதுபோல், நிதி தேவைக்காக, சிறப்பு லாட்டரி சீட்டு திட்டத்தை அறிமுகப்படுத்துவது என்றும் முடிவு செய்யப்பட்டது.  #KeralaFlood #Lotttery

பெங்களூரு:

கர்நாடக முதல்வர் குமாரசாமி செய்தியாளர்களிடம் கூறியதாவது:-


மழை வெள்ளம் பாதிக்கப்பட்ட குடகு மாவட்டத்தில் நான் 2 நாட்கள் ஆய்வு பணிகளை மேற்கொண்டேன். பல பகுதிகளில் நிலச்சரிவு ஏற்பட்டுள்ளது. மழைக்கு இதுவரை 12 பேர் மரணம் அடைந்துள்ளனர். 845 வீடுகள் முழுவதுமாகவும், 773 வீடுகள் பாதி அளவும் சேதம் அடைந்துள்ளன. மொத்தம் 6620 பேர் வெள்ளத்தில் மீட்கப்பட்டு நிவாரண முகாம்களில் தங்க வைக்கப்பட்டுள்ளனர். இந்த நிவாரண முகாம்களுக்கு பால், உணவு வசதிகளை அரசு செய்து கொடுத்துள்ளது.

இவ்வாறு அவர் கூறினார்.

குடகு மாவட்டத்திற்கு தேவையான வெள்ள நிவாரணப் பணிகளுக்கு தேவையான நிதியை மத்தியில் ஆளும் பாஜக அரசு வழங்க வேண்டும் என கர்நாடக துணை முதல்வர் பரமேஸ்வராவும் கூறியுள்ளார். #KodaguRain #KarnatakaCM

திருவனந்தபுரம்:

கேரளா கடந்த 100 ஆண்டுகளில் இல்லாத அளவிற்கு மழை வெள்ள பாதிப்பு ஏற்பட்டுள்ளது. ஆண்டுதோறும் பெய்யும் தென்மேற்கு பருவமழையை விட இந்த ஆண்டு 3 மடங்கு பெய்துள்ளதாக வானிலை ஆய்வு மையம் அறிவித்துள்ளது. இதனால் கொச்சி, ஆலப்புழா, கோழிக்கோடு, மலப்புரம் என அனைத்து நகரங்களும் வெள்ள நீரில் மிதக்கின்றன.


இந்நிலையில், கேரளாவில் பத்திரிகையாளர் மனோஜ் என்பவர் கன்னூரில் தனது மகளுக்கு நடக்க இருந்த நிச்சயதார்த்தத்தை நிறுத்தி, அந்த பணத்தை முதல் மந்திரியின் வெள்ள நிவாரண நிதிக்கு வழங்குவதாக அறிவித்துள்ளார்.

இது தொடர்பாக அவர் கூறுகையில், ‘எனது மகளின் நிச்சயதார்த்தம் ஆகஸ்ட் 19-ம் தேதி நடைபெறுவதாக இருந்தது. கேரள மாநிலம் மிகப்பெரிய வெள்ளப்பாதிப்புகளை சந்தித்து வருவதால் நிச்சயதார்த்ததை ரத்து செய்து அதற்கான சேமிப்பை முதல் மந்திரியின் வெள்ள நிவாரண நிதிக்கு அளிப்பது என முடிவு செய்துள்ளோம். மணமகன் வீட்டாரின் முழு சம்மதத்துடன் இந்த முடிவை எடுத்துள்ளோம்’ என்று குறிப்பிட்டுள்ளார்.

கேரளாவில் மீன் விற்பனை செய்து வரும் மாணவி ஹனன் ஹமித் என்பவர் வெள்ள நிவாரணமாக ரூ.1.5 லட்சத்தை முதல்வர் நிவாரண நிதிக்கு வழங்குவதாகத் தெரிவித்துள்ளது குறிப்பிடத்தக்கது. #StandWithKerala #KeralaRains #KeralaFloods